Lycopus Europaeus , جل نیم
نام دوسری زبانوں میں
ہندی :۔ جل نیم
بنگالی:۔ جل براہمی
چھتے دار پودا ہے یہ پودا ایک سے دو فٹ تک لمبا ہوتا ہے اس کو چھوٹا پنکھڑی والا نیلگوں سفید پھول لگتا ہے اس کے پتوں کا ذائقہ بالکل نیم کے پتوں جیسا کڑوا ہوتا ہے اور جل نیم کے پتوں میں نیم کے پتوں جیسی ہیک ہوتی ہے اس لیے اس بوٹی کا نام جل نیم رکھا گیا ہے بنگال کے وید جل نیم کو ہی برہمی بوٹی سمجھتے ہیں
رنگ :۔ پھول گلابی ، سفید اور سیاہ
ذائقہ :۔ تلخ و تیز
مزاج :۔ گرم و خشک بدرجہ دوم
مقدار خوراک :۔ 9 گرام تک
مقام پیدائش :۔ چھانگا مانگا کے جنگلات اور ندی نالوں کے کناروں پر کہیں کہیں ملتا ہے موسم گرما اور برسات میں پیدا ہوتا ہے
افعال و استعمال :۔ مصفیٰ خون ہے امراض جلد میں نافع خارش خشک و تر میں مفید ہے مادہ سوداوی و بلغمی کو براہ دست نکالتی ہے اس میں چاندی کا کشتہ آسانی سے بن جاتا ہے اس کو کالی مرچ (فلفل سیاہ) اور نمک کے ساتھ گھوٹ کر پیتے ہیں
غیر سمیّ
نوٹ :۔ جدید تحقیقات سے معلوم ہوا ہے کہ اس میں تلخ جوہر موثرہ اور روغنی مادہ پایا جاتا ہے ، سیاہ پھول والی کمیاب ہے
